ထွဋ်ခေါင်ဆရာတော်ဘုရားကြီး၏ကမ္မဋ္ဌာန်းသံပေါက်လင်္ကာ
- သဗ္ဗေသတ္တာ၊ ဝေနေယျာ၊ သံသာရှည်လှပြီ။
- အတည်ကျကျ၊ ဘယ်ဘ၀၊ ရကြမရှိပြီ။
- ရအံ့နိုးနိုး၊ လောဘမျိုး၊ အကျိုးယုတ်လှပြီ။
- သုံးပါးညီးညီး၊ လောင်မီးကြီး၊ ဖိစီးလှလေပြီ။
- လောင်မှန်းမသိ၊ မောဟဖိ၊ မိုက်မိလှလေပြီ။
- ပိုးဖလံမျိုး၊ မီးကိုတိုး၊ ကိုယ်ကျိုးနဲလှပြီ။
- ကာမဂုဏ်မွဲ၊ သည်မိုက်ခဲ၊ မခွဲနိုင်ကြပြီ။
- မခွဲနိုင်ကြ၊ လူ့ဗာလ၊ မိုက်စသိမ်းသင့်ပြီ။
- ဂင်္ဂါသဲတူ၊ ပွင့်တော်မူ၊ ဆူဆူများလှပြီ။
- များအင်္သချေ၊ ရှင်စောထွေ၊ ရှောင်သွေလွဲခဲ့ပြီ။
- တဆူမသင့်၊ တဆူသင့်၊ ဖူးခွင့်တွေ့ထိုက်ပြီ။
- မတော်မတရား၊ကျင့်ဖောက်ပြား၊ မိုက်အားကြီးလှပြီ။
- အလိုမလိုက်၊ သည်အမိုက်၊ ပယ်ထိုက်သင့်လှပြီ။
- မပယ်မချိုး၊ ဆင်ကန်းတိုး၊ ဟုတ်နိုးထင်လှပြီ။
- ဟုတ်နိုးသမှု့၊ ထင်တိုင်းပြု၊ ယခုတိုင်ခဲ့ပြီ။
- တရားလက်လွတ်၊ ဌက်တောင်ကျွတ်၊ ၀ဋ်နှင့်မကင်းပြီ။
- မနုဿတ္တ၊ ဒုလ္လဘ၊ မရများလေပြီ။
- အရတော်စွ၊ သည်ဘ၀၊ လှလှကျင့်ထိုက်ပြီ။
- ကြုံကြိုက်တော်စွာ၊ သာသနာ၊ ရောင်ဝါထွန်းလှပြီ။
- သတိရရ၊ မြတ်ပုည၊ ပြုရကောင်းသင့်ပြီ။
- တနေ့တနေ့၊ နက်ဖြန်ရွေ့၊ မမေ့ကောင်းသင့်ပြီ။
- ငါ့ကိုယ်ငါ့သား၊ ငါ့မယား၊ ထင်မှားလှလေပြီ။
- ထင်မှားတတ်စွာ၊ သက္ကာယာ၊ မိစ္ဆာကင်းသင့်ပြီ။
- ငါးခုခန္ဓာ၊ ရုပ်နာမ်မှာ၊ မှန်စွာမှတ်သင့်ပြီ။
- သမ္မသန၊ ဥာဏ်အစ၊ ထင်လှသင့်ကြပြီ။
- နင်ဖြင့်နင့်ကိုယ်၊ ဆုံးမဆို၊ နင့်ကိုယ်အမှု့သည်။
- နင်မဆုံးမ၊ နင့်တာပ၊ ဘယ်ကခံလိမ့်မည်။
- နှလုံးဖုံဖုံ၊ ထုံတုံတုံ၊ နင့်ပုံကြော့ကြမ်းသည်။
- နင်နှင့်နင့်ကံ၊ စီရင်ဖန်၊ အမှန်ဖြစ်တော့သည်။
- ယခုနင့်ကိုယ်၊ နင့်အလို၊ ဘယ်ကိုပြည့်စုံသည်။
- နင့်ကိုယ်နင်နှစ်၊ နင့်အပြစ်၊ နင်ဖြစ်ခံရမည်။
- နင့်ကိုယ်နင်အား၊ နင်မသနား၊ နင်မှားရှာတော့သည်။
- ဒါနသီလာ၊ ဘာဝနာ၊ နင်သာပြုသင့်သည်။
- ဇာတိဇရာ၊ မရဏာ၊ မကြာနင်တွေ့မည်။
- မျက်တောင်တယှက်၊ လျှပ်တပြက်၊ နင့်သက်သေလိမ့်မည်။
- ဘယ်နှစ်ဘယ်လ၊ ရောက်ခါမှ၊ ကာလမရွေးပြီ။
- ကြီးငယ်မဟူ၊ ကိုယ့်ရွယ်တူ၊ ခုမူသေလှပြီ။
- အမှန်သေရိုး၊ ထိုလူမျိုး၊ ကြောက်စိုးရွှံ့သင့်ပြီ။
- မသွင်းနှလုံး၊ အသင့်ရှုံး၊ ပျက်ပြုန်းလှလေပြီ။
- ခန္ဓာကြွေလျှော်၊ ရှိပြန်သော်၊ ပူဇော်ကောင်းလှပြီ။
- သွားကျိုးဆံဖြူ၊ ရှိပါမူ၊ ဘယ်သူမကြောက်ပြီ။
- ဤသည့်မယား၊ ဤသည့်သား၊ မီးဖွားမှန်တော့သည်။
- ခယ၀ယ၊ ဘိဇ္ဇန၊ ပျက်ကြလှလေပြီ။
- အပ္ပိယေဟိ၊ ပိယေဟိ၊ ဒုက္ခိကြုံလေပြီ။
- ဒုက္ခထွေထွေ၊ တပေပေ၊ ခံနေရလေပြီ။
- နိဗ္ဗာန်သာခေါင်၊ ဘေးမဲ့သောင်၊ ရောက်အောင်ပြုသင့်ပြီ။
- မပြုပါပဲ၊ နင်ရှောင်လွဲ၊ နင်ဘဲမိုက်လှသည်။
- ယုတ္တိယုတ္တာ၊ နင်ဆင်ကာ၊ ဟန်သာနင်များသည်။
- ဘုရားသွားသွား၊ ကျောင်းသွားသွား၊ စိတ်ထားနင်မကြည်။
- ဒါနသီလာ၊ နင်ပြုခါ၊ စေတနာဇောမကြည်။
- သို့ပင်ပြုလို၊ နင့်ကုသိုလ်၊ ဘယ်ကိုသွားလိမ့်မည်။
- လောကုတ္တရာ၊ မြိုက်သြဇာ၊ နင်သာဝေးလှသည်။
- ဇောစိတ်သန်သန်၊ ကုသိုလ်မှန်၊ နင်ကြံပြုရမည်။
- သို့ပြုမှသာ၊ သည်ခေမာ၊ နင်သာနီးရမည်။
- ဤသို့စုံစေ့၊ ပြန်လှန်၍၊ စေ့စေ့နှလုံးတည်။
- အနမတဂ္ဂ၊ သံသာရ၊ ကြာလှလေကုန်ပြီ။
- ဂင်္ဂါဝါလု၊ ပမာပြု၊ သဲစုမကပြီ။
- တဏှာ၏နောက်၊ တကောက်ကောက်၊ လိုက်ထောက်မသင့်ပြီ။
- တဏှာမြစ်မ၊ ပင်လယ်ဝ၊ နစ်ကြလေကုန်ပြီ။
- တဏှာလည်းပွား၊ ဒုက္ခများ၊ သွား၍မဆုံးပြီ။
- တဏှာပို့တင်၊ ပါယ်လေးခွင်၊ လျှင်စွာရောက်လေပြီ။
- သေမင်းနိုင်ငံ၊ အဖန်ဖန်၊ လိုက်ပြန်ရလေပြီ။
- ဝေဘူတောင်မျှ၊ ပမာပြ၊ အရိုးမကပြီ။
- နစ်တုံပေါ်တုံ၊ သုံးပါးဘုံ၊ ကြုံရပြန်လေပြီ။
- ချမ်းသာမငွေ့၊ ဆင်းရဲတွေ့၊ ငြီးငွေ့သင့်လှပြီ။
- အ၀ိဇ္ဇန္ဓ၊ သည်မောဟ၊ ညှဉ်းဆဲလှလေပြီ။
- နီဝရဏ၊ ဆီးတားကြ၊ လမ်းစမဆုံးပြီ။
- ဂတိငါးပါး၊ ဆုံလည်နွား၊ သွား၍မဆုံးပြီ။
- ဘ၀တိုင်းသေ၊ သင်္ချိုင်းမြေ၊ ပွားစေလှလေပြီ။
- လမ်းကောက်လည်းသွား၊ လူအများ၊ အမှားကြိုက်ခဲ့ပြီ။
- လမ်းကြောင်းမမှန်၊ မြတ်နိဗ္ဗာန်၊ ဧကန်လွဲခဲ့ပြီ။
- ဘ၀မဆုံး၊ ဒုက္ခတုံး၊ လုံးလုံးမရပြီ။
- လောကမျက်ရှု့၊ သဗ္ဗညု၊ ယခုရှိရဲ့မင်း။
- ဘုရားဖြစ်ခါ၊ သာသနာ၊ ရောင်ဝါတ၀င်းဝင်း။
- မနုဿတ္တ၊ ဒုလ္လဘ၊ ရအောင်ခဲကြမင်း။
- ဗြဟ္မာ့ပြည်က၊ အပ်ကိုချ၊ မြေကအပ်တစင်း။
- အပ်သွားချင်းသာ၊ ထိဘွယ်ရာ၊ ပမာမှတ်ကြမင်း။
- နိယျာနိက၊ မြတ်ဓမ္မ၊ ကြားရခဲ၏မင်း။
- သဒ္ဒါဗလ၀၊ ဒုလ္လဘ၊ ရအောင်ခဲကြမင်း။
- အရတော်ခိုက်၊ လူတ၀ိုက်၊ ခဲလိုက်ကြကုန်မင်း။
- ကိုယ့်ဘို့မရ၊ သည်နောင်တ၊ ဖြစ်တတ်ကြ၏မင်း။
- ဤသို့ဘ၀၊ ဖြစ်သမျှ၊ ရမည် ခဲ၏မင်း။
- ထူးမြတ်စွာလှ၊ လူ့ဘ၀၊ နှမြောကြကုန်မင်း။
- မြတ်သည်ကိုမှ၊ မသိကြ၊ ဗာလနှလုံးသွင်း။
- ဗာလဖြစ်က၊ လူ့ပါပ၊ ကြာကြကုန်ပြီမင်း။
- လူဖြစ်ကျိုးမှ၊ မခံရ၊ ရှုံးလှချေ၏မင်း။
- ဘ၀တိုင်းရှုံး၊ လူ့ကျောက်တုံး၊ စုန်းစုန်းမြုပ်၏မင်း။
- စုန်းစုန်းမြုပ်ခါ၊ မပေါ်လှာ၊ ကြမ္မာမှောက်၏မင်း။
- နိဗ္ဗာန်လမ်းစ၊ ဤသို့ပြ၊ မှတ်ကြနှလုံးသွင်း။
- ကလျာဏမိတ္တ၊ ပဏ္ဍိတ၊ ပေါင်းဖော်ရ၏မင်း။
- ထိုကလျာဏ၊ ဆိုဆုံးမ၊ လိုက်နာရ၏မင်း။
- ယောနိသောမန၊ သိကာရ၊ နေ့ည နှလုံးသွင်း။
- သီလဓုတင်၊ ဆောက်တည်လျှင်၊ သည်တွင်အစမင်း။
- အလောဘ အဒေါသ အမောဟ နက္ခမ ၀ိဝေက နိဿရဏ၊ ဤခြောက်ဝ၊ အလိုရှိကြမင်း။
- ရွှေပြည်သနစ်၊ သာသည့်ခေတ်၊ စိစစ်ကြကုန်မင်း။
- ရွှေပြည်ချမ်းသာ၊ စံချင်ရှာ၊ ဆိတ်ငြိမ်ရာသို့ချဉ်း။
- အနိစ္စကောင် ဒုက္ခကောင် အနတ္တကောင် အသုဘကောင်၊ ထင်အောင်နှလုံးသွင်း။
- အနိစ္စတုံး၊ ဒုက္ခတုံး၊ အနတ္တတုံး၊ အသုဘတုံး၊ လုံးလုံးနှလုံးသွင်း။
- ဤသို့ထင်မှ၊ မဂ်လမ်းစ၊ ရမည်မှတ်စင်းစင်း။
- မဂ္ဂင်ဖောင်ကြီး၊ တင်၍စီးမှ၊ ပြည်ကြီးအမတ၊ နိရောဓ၊ ရမည်မှတ်ကြမင်း။
- ယခုဘ၀၊ မသိကြမူ၊ အမတမည်ခေါ်၊ ရွှေပြည်တော်၊ အစော်မနံလျှင်း။
ဓမ္မာစရိယ ဦးဌေးလှိုင် ၏ ရဟန္တာနှင့် ပုဂ္ဂိုလ်ထူးများမှ......
Print this post
0 comments:
Post a Comment