(၁)မသိလို့ လိုချင်၊ လိုချင်လို့ စွဲလမ်း၊ စွဲလမ်းတော့ပြုလုပ် ပြုလုပ်တော့ရရှိ ရရှိတော့ ခံကြပေတော့တပည့်တို့။
(၂)မခံသာ မှန်ပါဘိ သည်တရား၊ ခံသာလျှင် သံသရာကြောမှာ၊ မျောလိမ့်အများ။
မသိတာက အ၀ိဇ္ဖာဆိုတဲ့ မောဟ၊ လိုချင်တာက တဏှာဆိုတဲ့ လောဘ၊ စွဲလမ်းတာက ဥပါဒါန်။ ၄င်းတရားသုံးပါးနှင့် ပြည့်စုံတော့ လူ နတ် ဗြဟ္မာ သူဌေးကြီး သူကြွယ်ကြီး လောကအထက်တန်းစား ဖြစ်ချင်တာပေါ့။
ဤကဲ့သို့ ဖြစ်ချင်တော့ ကြောင့်ကြ တောင့်တပြီး ပြုလုပ်တယ်ဆိုပါတော့၊ အဲသည်လို ပြုလုပ်တော့ ရရှိတယ်။ ဘာကိုရရှိသလဲ ဆိုရင် ဇာတိကို ရရှိတယ်။ဇာတိကို ရမှဖြင့် မအိုချင် မနေရ၊ မနာချင် မနေရ၊ မသေချင် မနေရ။ ဇာတိဆိုတဲ့ ၀ဋ်ကောင်ကြီး ရရှိမှဖြင့် ကြိုးစားပြီး ခံကြဖို့ဘဲ ခံကြပေတော့။
တပည့်တော်တို့မှာ ၀ဋ်ဆင်းရဲကို ထိုထို ဘ၀က ခံခဲ့ကြလေပြီ ဖြစ်သောကြောင့် မခံချင်ဘူးဆိုပါတော့။ မခံချင်လျှင် သီလ သမာဓိ ပညာ သိက္ခာ သုံးပါးနှင့် ဘုရား တရား သံဃာ ရတနာသုံးပါး ဦးထိပ်ထားပြီး ၀ိပဿနာတရားကို ပွားများ အားထုတ်ကြ။
ဤကဲ့သို့ ခန္ဓာကိုယ်ပေါ်က သမာဓိတရားကြောင့် ဖြစ်ပေါ်လာသော ဝေဒနာကို သတိနှင့်လိုက်ပြီး သုံးသပ်တော့ မိမိစိတ်မှာ မခံသာသော သဘော ဖြစ်လာမယ်။ အဲဒါကြောင့် “မခံသာ မှန်ပါဘိ သည်တရား၊ ခံသာလျှင် သံသရာကြောမှာ မျောလိမ့်အများ” ဟု ဆိုသည်။ မိမိ ခန္ဓာကိုယ်ပေါ်မှာ ဖြစ်ပေါ်လာတဲ့ ဝေဒနာက အကျိုးတရား ဒုက္ခသစ္စာ၊ ၄င်းအကျိုးတရား ဒုက္ခသစ္စာကြီးကို ၀ိပဿနာရှု့တော့ နာကျင် ကိုက်ခဲ၍ မခံသာသောကြောင့် ခံသာအောင် လွှတ်ပစ် လိုက်တယ်။ လွှတ်ပစ်လိုက်တော့ ဝေဒနာ ချုပ်ပျောက်သွားတယ်။ ခံသာတော့ အမှန်မမြင်၊ အမှန်မမြင်တော့ ယထာဘူတ ဟုတ်မှန်သောဥာဏ်ကို မရ၊ ဤကဲ့သို့ မရသောကြောင့် သံသရာဝဋ်ထဲမှာ တလည်လည် ခံနေရတယ်။
ဤကဲ့သို့ ဒုက္ခသစ္စာဖြစ်တဲ့ ဝေဒနာကို ဗိုလ်ငါးပါး လက်ကိုင်ထားပြီး သုံးသပ်တော့ သူ့သဘောသူဆောင်ပြီး တစ်သံသရာလုံးက မတွေ့ မမြင်ဘူးသော ရုပ်+နာမ် ခန္ဓာသင်္ခါရတရားကို တွေ့မြင်ရရော။ အဲသည်တော့မှ စွဲလမ်းတဲ့ အယူဟာ ပြုတ်သင့်သလောက် ပြုတ်ပြီး ချမ်းသာသင့်သလောက် ချမ်းသာလိမ့်မယ်။ အဲသည်တော့မှ ရှေးရှေးသောအရိယာ သူတော်ကောင်းကြီးတွေဟာ ထိုဝဋ်ဆင်းရဲကြီးကို ကြောက်၍ တရားကို အားထုတ်ခြင်းကြောင့် ယထာဘူတဥာဏ်ကို ရရှိ၍ အမှန် ချမ်းသားပြီး ၀ဋ်ဆင်းရဲကို မလိုချင်၊ မလိုချင်တော့မပြုလုပ်၊ မပြုလုပ်တော့မရ မရတော့ မခံရ၊ မခံရတော့ ချမ်းသာတာလို ထို့အတူ အတုခိုးအားကျပြီး ပြုလုပ်ပါမူ အမှန်ကို ပိုင်းပိုင်းခြားခြား သိမြင်ပါမူ ၀ဋ်ဖြစ်ကြောင်း အလုပ်ကို မလုပ်။ မလုပ်တော့မရ မရတော့ ချမ်းသာသည်။ အဲသည် နှစ်လမ်းကို ကြိုက်ရာလမ်း သွားကြပေတော့။
(၁)မြင်တာကို သညာဖုံးတော့၊ သညာကို သင်္ကာရှင်းမှ၊ သင်္ကာကင်းမယ်။
(၂)မြင်တာကို သညာဖုံးတော့၊ သညာ-သင်္ကာမရှင်းက၊ သင်္ကာမကင်းဘူး။
ကဲ မြင်တာ သညာဖုံး ဆိုတာ တစ်ခြားမဟုတ်ဘူး မျက်စိက မြင်ရုံသာရှိတယ်။ လှပတင့်တယ် လိုချင်တယ် ဆိုတာ သညာ ခေါ်တယ်။ ၄င်းသညာကို သင်္ကာမရှင်းတော့ စွဲလမ်းမှု သံသယ မကင်းဘူး။ သင်္ကာရှင်းပုံမှာ မျက်စိက မြင်ရုံသာမြင်တယ်။ လှပတင့်တယ် လိုချင်တယ်ဆိုတာက သညာဟု ပညာက ဆုံးဖြတ်တော့ မလိုချင်ဘူး၊ မလိုချင်တာကို သင်္ကာရှင်းတယ်လို့ ဆိုရတယ်။
ဥပမာဆိုလျှင်
တစ်နည်းအားဖြင့် ဘဲမွေးသော ယောင်္ကျားနှင့် တူတယ်။ ဘဲမွေးသော ယောင်္ကျားသည် ကြက်မဥသောအခါ၊ ကြက်ဥကို ယူ၍ ဘဲဥကို ထည့်ထား၏ ။ ကြက်မက ဘဲဥကို ၀ပ်ရသဖြင့် ပေါက်ချိန်တန်သောအခါ ဘဲကလေးတွေပေါက်၍ လာ၏။ ကြက်မကြီးက မိမိသားပင် မှတ်ထင်ပြီး အစာယက်၍ ကျွေးခြင်း စောင့်ရှောက်ခြင်းတို့ကို ပြုလုပ်၏။
ဘဲသတ္တ၀ါသည် ရေ၌ ကျက်စားသည်ဖြစ်၍ တစ်နေ့သောအခါ ရေသို့ဆင်း၍ ကျက်စားလေသော် အမိဖြစ်သော ကြက်မကြီးက ရေသို့ မဆင်းနိုင်။ ကုန်းပေါ်က မှိုင်ပြီး ငါ့သားတွေ ငါ့သမီးတွေ လာခဲ့ကြ လာခဲ့ကြ လို့ အော်နေတာဟာ သင်္ကာမရှင်းတာနဲ့ တူတယ်။ ဘဲမွေးသော ယောင်္ကျားက ကြက်ဥကို ယူ၍ ဘဲဥကို လိမ်ထည့်ထားတော့ လောဘနှင့်တူသော ကြက်မကြီးက ငါ့ဟာ ငါ့ဟာ ဟု ထင်မှတ်စွဲလမ်းပြီး စောင့်ရှောက်ရသဖြင့် ပင်ပန်းဆင်းရဲခြင်း ခံရတယ်။ ဘဲသတ္တ၀ါကတော့ ပရမတ္တသဘာဝနဲ့ တူတယ်။ ငါ့ဟာ မှတ်ထင်ပြီး ငါ့သား ငါ့သမီးတွေ လာကြလို့ ကုန်းပေါ်က ရင်ကွဲအောင် ကတော်၍ ခေါ်ငြားသော်လည်း ပရမတ္တသဘာဝနှင့်တူသော ဘဲကလေးတွေက သူတို့ ကျက်စားနေကြ အာရုံသဘော ဖြစ်သောကြောင့် ကြက်မကြီးထံ လာချင်မှ လာမယ်။ အဲသည်တော့ ကြက်မကြီးမှာ ဒုက္ခရောက်ရတယ်။ ဘာကြောင့် ဒုက္ခရောက်ရသလဲဆိုတော့ သင်္ကာမရှင်းတတ်လို့ ရောက်ရတယ်။ ဒါ့ကြောင့် မြင်တာ သညာဖုံးတယ်။ သညာ သင်္ကာမရှင်းက သင်္ကာမကင်းဘူး ဆိုရတယ်။
အဲဒါကြောင့် မြင်တိုင်း-ကြားတိုင်း-လျက်တိုင်း-နံတိုင်း-တွေ့ထိတိုင်း တို့၌ ကာယတံခါးဝက သတိနှင့် စောင့်၍ သတ်သွားပါက သညာ ဥပါဒ် မဖြစ်တော့ဘဲ အမှန်ကို သိမြင်လာလိမ့်မယ်။
အဲသည် အမှန်သည် ပရမတ္တသဘောပဲ။ ပရမတ္တသဘောတရားဆိုတာ ဖြစ်ပျက်ခြင်း သဘောကို ဆိုတယ်။ “ရှေ့နှင့်နောက်ဟာ မတူပါ စဉ်လာ ဖြစ်ပျက်မှု” ဆိုသည့်အတိုင်း ငါ့အလိုမဟုတ်။ သူ့သဘော သူဆောင်တဲ့ သဘောတရား သက်သက်ပါ ကလားလို့ သိသည်နှင့် တစ်ပြိုင်နက် သင်္ကာ ရှင်းတော့တာဘဲ။ အဲသည်တော့မှ သဘောပေါ် သဘောကျ လာလိမ့်မယ်။ ဒါကြောင့် မြင်တာ သညာဖုံးတယ်၊ သညာ သင်္ကာရှင်းတော့ သင်္ကာကင်းတယ်။ အရှိကိုကြဉ် မရှိကို မြင်တတ်သည့် ပုထုဇဉ်ကန်း လို့ ဆိုတယ်။
မြင်းခြံမြို့ ကျေးဇူးရှင် စွန်းလွန်းဂူကျောင်း ဆရာတော်ဘုရားကြီး၏ ထေရုပ္ပတ္တိအကျယ်နှင့်တရားတော်များ မှ............
ဆက်လက်ဖတ်ရှုပါခင်ဗျာ....
ပြန်သိမ်းပေးခဲ့ပါခင်ဗျာ.....
